سيد علي لمهاجمي أبو تريكة : إنسان خلوق ..وبلاش تكونوا “خرفان”

انتقد الإعلامي سيد علي، مهاجمي اللاعب أبو تريكة، قائلاً: «أبو تريكة أكد إنه مش إخواني عايزين إيه تاني، يطلع يعني يقول لكم أنا كافر علشان يبقى كويس، بلاش تبقوا زي الخرفان كل ما حد يقول حاجة تمشوا معاهم».

وأضاف «علي»، خلال تقديمه لبرنامج «حضرة المواطن»، المذاع عبر فضائية «العاصمة»، مساء اليوم الأربعاء، متابعًا: «أنا مش صاحبه ولا أعرفه بس كل اللي حوله يأكدوا أنه انسان خلوق، ومؤدب، ومش منافق، ومش رخيص، وماعملش حاجة غلط، قلب الأمة المصرية بقى فيه قسوة وغلاظة ليه من صانع البهجة إلى إن تبقى كل الحملات ضده».