الأمان يا خلق هُوه

 الأمان يا خلق هُوه
بينا ليه بتضيعوه
بينا ليه بتمرمطوه
بلطجى ملعون أبوه
***
نفسى أصلى الفجر حاضر
نفسى مصر تعود بشاير
ومين يشق الصف جاير
والأمان نتعلموه
***
نفسى إيد الشرطة حامية
ليه المعارك بينا دامية
عيون قلوبنا تبقي عمية
بلطجى لو هتسيبوه
***
سيبوا شرطة تقوم وترجع
للأمان ف الأرض تزرع
خوف قلوبنا ماعدش ينفع
والجبان بينا إخلعوه
***
الأمان يا خلق هوه
بينا ليه بتضيعوه
بينا ليه بتمرمطوه
بلطجى ملعون أبوه