يا وابور الثورة رايح على فين؟
ياوابور قوللى رايح على فين؟ . واخد الثورة ورايح على فين طايح تجرى قبلى وبحرى قضبانك هى ضلوعى ونحرى ودا اللى مكدر خاطرى وكاسر ضهرى. كنت رفيقك يومى وشهرى و دلوقتى بقيت سبب قلقى وسهرى واخد الثورة ورايح على فين؟ .
فرّحت قريب ودهست غريب
على يدك عز عرف الذل واتلم جمال على شمل حبيب
صوتك يدوى وانت بتهوى وانا اللى بهاتى لهوى يالهوى
ياثورة فداكى ناسى وأهلى خوفى عليكى ف قلبى بيهرى
إن طال الوقت ع المعتصمين يجرى كلامهم شمالا ويمينا ولا ده يعرف ده بيتبع مين ولا مين اللى بيحركه مين
ون.اس بتهتف العسكرى يرحل والباقى طيابه بيقولوا آمين
إحنا صبرنا ع الذل سنين. يعنى خلاص شهرين محناش قادرين؟!
خوفى يا وابور يضيع اللى بنيناه والطرف الثالث فى الدرة راقدين
عطشجى زمان قاللى يا خلى خليها فى سرك كتير متآمرين
ولأنى عكيت فى أغانى بقالها سنين بقول للقراء والشعراء مليون آسفين. وبقول للكل خليكوا صاحيين، اللهو الخفى ديب بينام وعينيه مفتحين . ربنا يحرس المحروسة من البلطجية والمندسين وفلول النظام اللى زى عقب السيجارة لازم تدوس عليه عشان تطفى ناره، وخليكوا حذرين والسلام على من اتبع الهدى قولوا: آآآآمين.
