العيب فى مين؟؟

أمريكا أنتى مين أنتى؟ أم الهدامين
أنتى اللى زرعتى الفتنة والضغينة بين شعوب العالم
ضد كلمة مسلمين
عرفة ليه ولا أفكرك بتاتشر ولا بيرلسكونى
ولا أسيبها للتاريخ والسنين
فين حقوق الناس اللى عمالة تحكى عنها فى كل مجلس
فين عراقنا فين سودانا فين القدس فين شعب فلسطين
هما بس شوية حكام كلاب مأجورين
سمعوا الكلام ونفذوا أوامر أسيادهم الشياطين
كان أملنا يبقى فيهم حتى واحد يشبه صلاح الدين
ويقول للظلم لا ولشعبه يكون مدين
بس يا خسارة كلهم قالوا للشيطان أمين
وربنا عنا عليهم وقدرنا نهدم بعض حصون الظالمين
من معمر لمبارك لبن على لصالح ولسة اللى مش أسد
والباقى جايين جايين
أمريكا أى هى المعونة؟! فسريها علشان الشعوب
تعرف أنتى مين
المعونة يا شعوب تسمعونه فى كل كلمة نقولها
سواء كنتم راضيين ولا مجبرين
علشان إحنا عصابات الأمم وأنتم اللى مش فهمين
المعونة يا شعوب أن فلوسكم عندنا من عشرات السنين
وأنتم اللى جبتوها بمزاجكم بإدين حكامكم الحراميين
اللى سعموا كلامنا وسرقوكم وخلوا فلوسكم عندنا
خوف لا تلف السنين
وإحنا ناخد فلوسكم نشغلها ومن مكسبها نديكم بشروطنا
وأنتوا مبسوطين
علشان مفيش قمح ييزرع وتفضلوا أنتم وعيالكم لينا مذلولين
وإحنا نتحكم فى الشريف بالرغيف وأنتوا راضيين راضيين
والعيب مش فينا إحنا.. إحنا فين وأنتوا فين
o العيب فى حكامكم الطماعين غويين السلطة والعظمة
ونسيوا أنهم حلفيين اليمين
شفتم بقى العيب فى مين؟؟