مقالات القراء
أسطورة
![](https://www.amal-masr.com/wp-content/uploads/1330858964_xx.jpg)
حبيبتى انتى أسطوره
شفتك بمنامى صوره
سحر انتى وللا مسحوره
عروسة بطرحة غندوره
كل كيانك ينبض آه
بحب الناس والحياه
حنانك ماله نهايه
نظرة عينك شمسايه
رمشة جفنك بسمايه
قصص الحب حواليكى
تتعلم منك واليكى
قلبى ليكى ما يكفيكى
أحلم أصحى أناديكى
سمعنا حسن ونعيمة
ومجنون ليلى فى السيما
وقرينا كتير روايات
وسمعنا كمان حكايات
لكن أمانى بالذات
غطت كل اللى فات
بركان حب ومحبة
موزع على الأحبة
حبك كأنه حجة
ملاك فى السماء طاير
طفلة صغيرة بضفاير
هددت قلبى الحاير
بعد الحب الفاير
حبيبتى انتى أسطورة
شفتك بمنامى صورة
سحر انتى وللا مسحورة
عروسة بطرحة غندورة